انا مش عارفه ابدا منين وحقيقى ربنا اللى عالم بحالتى وانا بكتبلكم دلوقت بس انا مش هكتر فى الكلام غير ان احد الاعضاء بالمنتدى اتعرض لحادث سياره وهى اخت غاليه علينا كلنا ومحتاجه دعواتكم لان كلنا اخوات والمفروض نكون مع بعض فى الشده قبل الفرح طبعا النهارده حصل اكتر من حادثه على الطريق للاسف ناس ماتت وناس اتصابت فندعى للجميع بالرحمه وبالشفاء
بس بصراحه الكلام كله رايح منى مش عارفه اقول اى كلام اكتر من كده لانى حاسه انى مصدومه لما يكون حد غالى عليك اوى وتبقى لسه مكلمه من ساعات وتسمع عنه وتشوفه فى الحاله دى اكيد بتكون صدمه شويه فربنا معاها ومعانا جميعا ويستر طريقنا يارب
اللهم إنا نسألك بأسمائك الحسنى وبصفاتك العلا وبرحمتك التي وسعت كل شيء أن تمن على اختنا الغاليه بالشفاء العاجل وألا تدع فيها جرحا إلا داويته ولا ألما إلا سكنته ولا مرضا إلا شفيته وألبسها ثوب الصحة والعافية عاجلا غير آجلا و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين
