اولا معنى التكتيك هو الاسلوب المتبع في فترة معينة او طريقة معينة للحصول على هدف معين ويتغير حسب الشخصيات والمواقف والمعطيات المتاحة - تعريف سياسي -
في المنتدى بقى تكتيكات الشباب ايه ؟
طبعا الهدف ل95 بالمية من الشباب هو التعرف على بنات المنتدى
والبنات يا عيني 90 بالمية منهم مش بيفهموا ايه الي بيحصل وبتعاملوا بسلامة نية لغاية لما تقع الفاس في الراس ونرجع نعيط ونشتكي ووو.... الخ
هنا هحاول افهم البنات ليه بيشوفوا بعض الردود او الرسائل الخاصة الي بتثير دهشتهم
وبعد الموضوع دا هتفهموا كتير اوي
التكتيك الاول : احتراماتي
في المنتدى بقى تكتيكات الشباب ايه ؟
طبعا الهدف ل95 بالمية من الشباب هو التعرف على بنات المنتدى
والبنات يا عيني 90 بالمية منهم مش بيفهموا ايه الي بيحصل وبتعاملوا بسلامة نية لغاية لما تقع الفاس في الراس ونرجع نعيط ونشتكي ووو.... الخ
هنا هحاول افهم البنات ليه بيشوفوا بعض الردود او الرسائل الخاصة الي بتثير دهشتهم
وبعد الموضوع دا هتفهموا كتير اوي
التكتيك الاول : احتراماتي
في هذا الاسلوب يقوم الاخ العنكبوت بالشكر والثناء وابداء الاحترام والاعجاب بموضوع او مشاركة انتي كتباها وممكن تلاقي رسالة خاصة كلها ابداء اعجاب وهكذا ..
الهدف : لفت نظرك لاسمه والتودد لكي
التكتيك الثاني : ناقشيني
في هذا الاسلوب يقوم العنكبوت بالتعليق الخفيف على موضوع او مشاركتك ويبدي وجهة نظره ويحاول ان يجرك الى نقاش معه
الهدف :يجرك لمناقشته وبعدين التعارف واثارة اعجابك والذي منه
التكتيك الثالث : رخامه
في هذا التكتيك يقوم العنكبوت بتعليق رخم على موضوعك او مشاركتك يخليكي تتنرفزي
الهدف : البحث وراء سر الغتاتة ويشغلك ويخليكي تدخلي مواضيعه لمحاولة الثأر
التكتيك الرابع : دم خفيف
في هذا التكتيك يقوم الزبون بتعليق دمه خفيف يحاول اثارة ضحك او ابتسامتك
الهدف :اشاعة جو من الالفة وكسب صداقتك
التكتيك الخامس : وراكي وراكي
في هذا الاسلوب تلاحظي واحد غتيت متابعك في كل مواضيعك ويكتب ردود سواء ليه علاقة بالموضوع او لا المهم يكتب او يرد على اي حد
الهدف : في يوم من الايام لو غاب في موضوعك هتلاقي نفسك بتدوري عليه
التكتيك السادس: رخامته
الاسلوب دا تلاقي واحد عاصر منابع افكاره والثقافة بتشر بقى والعقلية المتفتحة
الهدف : لفت نظرك واثارة اعجابك ويخليكي انتي تحاولي تتعرفي عليه
التكتيك السابع : الصيد في المية العكرة
يعتمد هذا التكتيك على ان واحد بيستخدم تكتيك رخامته عليكي وتلاقي واحد دخل وقعد يدافع عنك ويسب ويوجهه كلام للى رخم عليكي وكأنه ابوكي ومش بعيد تلاقيه بيراسلك خاص ويقولك انا هبهدل الواد الي مضايقك !!
الهدف :وتحسي انه ال يعني ضهرك وبيعمل فيكى جميله يعنىوواجب
نصائح عامة
بصي يا بنتي مش كل الي يقولك معجب يبقى معجب ! ومش كل الشباب فاهمة
يعني ايه حب ، معظم الشباب هنا او في الشات عموما بيدورا على تسلية او تقضية
وقت او استقطاب قلب بنت لفترة وخلاص ، منكرش ان في علاقات بتنجح وتعارف
بيدوم لكن دا بيبان بسرعة يعني المطلوب من حضرتك متسلميش قلبك لحد الا لما
يقول عنوان بيتكو ايه
بالمناسبة الصداقة شئ جميل على النت لكن اسلاميا لا صداقة بين شاب وبنت
وطبعا في الحياة الواقعية التكتيكات تختلف تماما عن كدا لانك لو استخدمت اسلوب
غلط هتلاقي قلم من البنت على وشك
اممممم دي اشهر الاسلايب المستخدمة دائما وطبعا في اساليب خاصة واحترافية
اكتر بس الي طرحت في الموضوع اشهرهم
وفى النهايه ياجماعه احب اقول ان المنتدى وخاصه الدينى اننا نتجمع ونعمل خير ونشجع بعض على ده
لكن مش الهدف ابدا ان اى شاب يتجرأ ويطلب انه يتعرف على بنت
الحمد لله ان الموضوع ده مش منتشر فى منتدانا لانه فيه ناس محترمه
ارجو ان الرساله تكون وصلت للجميع
